Expedición de títulos e certificados oficiais

Bacharelato · Ciclo Medio · Ciclo Superior

Procedemento

Se remataches os teus estudos de Bacharelato, Ciclo Medio (incluída a FCT), calquera dos Ciclos Superiores (incluídos FCT e proxecto), só che queda un último paso para obter o título ou certificado correspondente: realizar o pagamento das taxas de expedición.

Podes consultar ao final desta páxina as tarifas vixentes.

Moi importante

  • Non realices o pago sen confirmar previamente que titulas. Podes comprobalo chamando á oficina do centro.
  • A data de ingreso da taxa debe ser posterior á avaliación final.
  • O pago pode facerse presencialmente ou telematicamente.

Pago presencial

  1. Recoller na secretaría do centro o Impreso de autoliquidación de taxas e cumprimentalo.
  2. Realizar o pago na entidade bancaria colaboradora.
  3. Una vez selado polo banco, presentar na secretaría:
    • Fotocopia do DNI
    • Libro de familia numerosa actualizado e unha copia (se procede)
    • Impreso selado pola entidade bancaria

Pago telemático

O pago telemático realízase a través da Oficina Virtual da Axencia Tributaria de Galicia (ATRIGA):

https://ovt.atriga.gal/
  1. Acceder ao apartado Cidadáns.
  2. Entrar en Pago de taxas e prezos → Iniciar taxa.
  3. Seleccionar Acceso libre ao servizo (cadeado aberto).
  4. Premer en Iniciar taxa.
  5. Introducir os datos da taxa segundo as indicacións do centro.
  6. Premer en Continuar e realizar o pago.
  7. Unha vez feito o pago, volver a: Cidadáns → Pago de taxas e prezos → Operacións realizadas
  8. Descargar o MODELO 730 en PDF.

Importante: A aplicación xerará inicialmente un “Recibo do pago con tarxeta”, pero non é válido como xustificante. Debes descargar obrigatoriamente o MODELO 730.

Unha vez descargado, envía o MODELO 730 e a fotocopia do DNI ao correo do centro para rexistrar o depósito do título.

Tarifas oficiais de expedición (2026)

Título / Certificado Tarifa normal Familia numerosa xeral Familia numerosa especial Duplicado
Bacharelato 54,00 € 27,03 € 0 € 4,98 €
Técnico (Ciclo Medio) 22,07 € 11,06 € 0 € 2,55 €
Técnico Superior (Ciclo Superior) 54,00 € 27,03 € 0 € 4,98 €
Certificado Curso de Especialización 25,91 € 12,97 € 0 € 2,55 €